Rusiya prezidenti Vladimir Putin Çin prezidenti Si Cinpinlə telefon danışığında ABŞ prezidentinin xüsusi nümayəndəsi Stiven Vitkoffla söhbətinin nəticələrindən danışıb.
Elchi.az “lenta.ru”ya istinadla xəbər verir ki, Kremlin mətbuat xidməti təfərrüatları açıqlayıb.
“İki ölkə arasında hərtərəfli tərəfdaşlıq və strateji əməkdaşlıq ruhunda Rusiya prezidenti avqustun 6-da ABŞ prezidentinin xüsusi elçisi Stiven Vitkoff ilə söhbətinin əsas nəticələri barədə Çin sədrini məlumatlandırıb”, – nəşrdə deyilir.
Kremlin məlumatına görə, Si Cinpin Rusiya liderinə məlumat üçün təşəkkür edib və Ukrayna böhranının uzunmüddətli həllini dəstəkləyib. Bundan əlavə, tərəflər Putinin Şanxay Əməkdaşlıq Təşkilatının sammitində iştirak etmək üçün Çinə gözlənilən səfərinə hazırlıq, habelə militarist Yaponiya üzərində Qələbənin 80 illiyi və İkinci Dünya Müharibəsinin başa çatması ilə bağlı tədbirləri müzakirə ediblər.
Avqustun 8-də Rusiya lideri ilə ÇXR sədri arasında telefon danışığı olub.
Nuranə Məmmədova
