İsrail ordusunun Qəzzaya hücumları nəticəsində ölənlərin sayı 72 nəfər artaraq 61 min 330 nəfərə çatıb.
Elchi.az xəbər verir ki, Qəzzadakı Fələstin Səhiyyə Nazirliyi yazılı açıqlamada İsrailin davam edən hücumları nəticəsində ölən və yaralananlarla bağlı son məlumatları paylaşıb.
Səhiyyə Nazirliyinin açıqlamasında son 24 saatda Qəzza zolağında 72 fələstinlinin İsrail tərəfindən öldürüldüyü, 314 nəfərin isə yaralandığı bildirilib.
Yanvarın 19-da Qəzzada razılaşdırılmış atəşkəsi pozan İsrail ordusunun martın 18-dən bu yana həyata keçirdiyi hücumlarda 9 min 824 fələstinlinin həyatını itirdiyi, 40 min 318 mülki vətəndaşın isə yaralandığı bildirilib.
İsrailin ABŞ-ın rəhbərlik etdiyi Qəzzaya Humanitar Yardım Fondunun mayın 27-dən bu yana qurduğu yardım paylama məntəqələrində fələstinliləri hədəf alan sistematik hücumlar nəticəsində Qəzzada ölənlərin sayının 1772, yaralıların sayının isə 12249-a yüksəldiyi bildirilir.
İsrailin aclıq saldığı Qəzza zolağında son 24 saatda daha 4 fələstinlinin aclıqdan öldüyü, aclıqdan həyatını itirənlərin sayının isə 98-i uşaq olmaqla 201-ə yüksəldiyi xatırladılıb.
2023-cü il oktyabrın 7-dən etibarən İsrailin Qəzza zolağına təşkil etdiyi hücumlarda həyatını itirənlərin sayının 61 min 330, yaralı sayının isə 152 min 359 nəfərə çatdığı bildirilib.
Qəzza zolağında minlərlə ölü hələ də dağıntılar altında basdırıldığı bildirilir.
Nuranə Məmmədova
