Kanada Ukraynaya 143 milyon dollar hərbi yardım edəcəyini açıqlayıb.
Elchi.az xəbər verir ki, Kanada NATO-nun Prioritetləşdirilmiş Ukrayna Tələblər Siyahısının (PURL) bir hissəsi olaraq ABŞ-dan kritik hərbi imkanlar paketi alacaq. Kanadanın bu paketə töhfəsi 200 milyon Kanada dolları (təxminən 143 milyon dollar) olacaq.
Bəyanatda vurğulanıb ki, Kanadanın paketə verdiyi töhfə Kanadanın Ukraynaya, onun NATO müttəfiqlərinə və Avro-Atlantik regionun təhlükəsizliyinə sarsılmaz sadiqliyini əks etdirir. “Müttəfiqlərimizlə birlikdə bu PURL paketinə töhfə verməklə biz Ukraynanın öz suverenliyini və xalqını qorumaq üçün lazım olan qabaqcıl imkanları tez bir zamanda əldə etməsini təmin edirik” deyib.
Avqust ayında müəyyən edilmiş satınalma planına əsasən, digər müttəfiqlərin töhfələri də daxil olmaqla, Ukraynaya ümumi hərbi yardımın dəyəri 500 milyon dollar olacaq.
Açıqlamaya görə, Kanadanın 2022-ci ilin fevralından bu yana Ukraynaya etdiyi yardımların ümumi məbləği 22 milyard Kanada dollarına çatıb.
Yardım ABŞ Prezidenti Donald Tramp və NATO tərəfindən Prioritet Ukrayna Ehtiyacları Siyahısı (PURL) çərçivəsində hazırlanmış plandan sonra həyata keçirilib.
Tramp iyulun 11-də verdiyi açıqlamada ölkəsinin NATO vasitəsilə Ukraynaya silah ötürülməsi üçün alyansla razılaşdığını və bu silahların xərclərini NATO-nun qarşıladığını bildirib.
Məryəm
