Kallas ABŞ administrasiyasının “Avropanı bölmək istədiyini” bildirdi.
Elchi.az xəbər verir ki, ABŞ administrasiyası “Avropanı bölmək istəyir”. Aİ-nin xarici siyasət rəhbəri Kaja Kallas bunu Financial Times qəzetinə verdiyi müsahibədə bildirib.
“Düşünürəm ki, hər kəsin ABŞ-ın Avropanı bölmək istədiyini çox açıq şəkildə bildirdiyini başa düşməsi vacibdir. Onlar Avropa İttifaqını sevmirlər”, – deyə o, Vaşinqtonun yanaşmasının “düşmənlərimiz”in istifadə etdiyi taktikaları əks etdirdiyini əlavə etdi.
Kallas vurğuladı ki, ABŞ və Aİ arasında hazırda “çox mürəkkəb münasibətlər” var. Bu, dekabr və yanvar aylarında Ağ Ev tərəfindən dərc edilmiş ABŞ Milli Təhlükəsizlik və Müdafiə Strategiyalarında əks olunur və bu sənəddə Avropada “müqavimətin inkişaf etdirilməsinə” və qitədə ABŞ-ın hərbi dəstəyinin “kalibrlənməsinə” çağırış edilir.
Hazırda 27 üzv dövlət ABŞ ilə münasibətlərin necə qurulacağı barədə fikir ayrılığına malikdir. Aİ-nin baş diplomatı əlavə edib ki, qısa müddətdə həm Vaşinqtonu məmnun etmək, həm də ABŞ-dan asılılığı azaltmaq imkanı var.
Şayəstə
