Çeçenistan rəhbəri Ramzan Kadırov Rusiya Federasiyasının hər bir vətəndaşı kimi onun da prezidentliyə namizədliyini irəli sürmək hüququna malik olduğunu, lakin bunu heç vaxt etməyəcəyini bildirib.
Elchi.az-ın “Vesti.ru”-ya istinadən məlumatına görə, R.Kadırov Vladimir Putin kimi müdrik, uzaqgörən, güclü, istedadlı, vicdanlı və layiqli şəxsiyyətdən sonra ölkəyə rəhbərlik etməyin praktiki olaraq mümkün olmadığını vurğulayıb.
O, Putinin uzun müddət hakimiyyətdə olmasını arzulayıb və bu işdə ona kömək edəcəyinə söz verib. Bundan əlavə, Kadırov çeçenləri və buryatları Ukraynadakı rus qoşunlarının ən qəddar hissəsi adlandıran Roma Papası Fransiskin üzrxahlığını qəbul etdiyini bildirib və həmvətənlərinin hisslərini incitməməyi tövsiyə edib.
Kadırov xəstəliyi ilə bağlı şayiələri də inkar edib və bildirib ki, müntəzəm olaraq idmanla məşğul olur.
Yeganə
Son şərhlər