İsrail mediası keçmiş İsrail Baş naziri Naftali Bennetin və əsas müxalifət lideri Yair Lapidin bu ilki seçkilərdə birlikdə iştirak etmək qərarının Baş nazir Netanyahuya ehtiyac olmadan hökumət qura biləcək yeni bir koalisiya yarada biləcəyini qiymətləndirib.
Elchi.az xəbər verir ki, keçmiş İsrail Baş naziri Naftali Bennetin “Bennet 2026” partiyası və əsas müxalifət lideri Yair Lapidin Gələcək Partiyasının bu ilki seçkilərdə birlikdə iştirak etmək qərarı İsrail siyasətində güc balansını potensial olaraq dəyişdirə biləcəyi kimi qiymətləndirilir.
İsrail mediası bu yeni koalisiyanın İsrail Baş naziri Binyamin Netanyahunun rəhbərlik etdiyi hökuməti devirəcəyini bildirib.
İsrailin 12-ci Kanal televiziyasında Bennetə yaxın mənbələrə istinadən verilən xəbərdə bildirilir ki, yeni elan edilmiş “Birgə Partiya” daxili münaqişələrə son qoymağı və bu il oktyabrın 27-də keçirilməsi planlaşdırılan seçkilərdə qəti qələbə qazanmağı hədəfləyir. “Maariv” qəzetində dərc olunan son sorğuya görə, “Bennett 2026″nın qarşıdan gələn seçkilərdə ən azı 24 yer qazanacağı proqnozlaşdırılır ki, bu da hazırda İsrail Knessetində 24 yerə sahib olan Netanyahunun Likud Partiyası ilə eyni səviyyədədir. Əsas müxalifət partiyası olan Gələcək Hərəkatının isə 7 yer qazanacağı proqnozlaşdırılır.
Şayəstə
