HƏMAS hərəkatı tərəfindən oğurlananların sayının 203 nəfərə çatdığı təsdiqlənib. Elchi.az TASS-a istinadən xəbər verir ki, bu barədə İsrail Müdafiə Qüvvələrinin nümayəndəsi Daniel Həcəri məlumat verib.
Həmçinin onun sözlərinə görə, oktyabrın 7-dən indiyədək qruplaşma ilə ordu arasında gedən qarşıdurmada 306 İsrail əsgəri həlak olub.
Bundan əvvəl İsrailin Rusiya Federasiyasındakı səfiri Aleksandr Ben Zvi bəyan edib ki, HƏMAS tərəfindən əsir götürülən və Qəzza zolağında saxlanılan girovların azad edilməsi istiqamətində irəliləyiş yoxdur. “Onları sadəcə azad etməlidirlər. Hamı humanitar problemlərdən danışanda nədənsə heç kim demir ki, uşaqları, qocaları, qadınları girov saxlamaq humanitar problem deyil”, – deyə diplomat qeyd edib.
Havar Şəfiyeva