İsrail İrana qarşı əməliyyatla bağlı xüsusi hərbi büdcəyə milyardlarla dollar ayırmağı planlaşdırır.
Elchi.az xəbər verir ki, bunu İsrailin Baş naziri Benyamin Netanyahu bu barədə maliyyə naziri Bezalel Smotriç ilə birgə videomüraciətində bildirib.
İrana endirilən zərbələrdən danışan Netanyahu qeyd edib ki, İsrail İslam Respublikasının nüvə və raket imkanlarını zərərsizləşdirmək üçün sadəcə bu kampaniyanı başlatmağa borcludur:
“Amma bir böyük “amma” var: Bunun üçün əhəmiyyətli resurslar tələb olunacaq. Ona görə də müharibə zamanı müdafiə xərclərini və hərbi əməliyyatları dəstəkləmək üçün on milyardlarla şekellik xüsusi büdcə ayırmalıyıq”, – o deyib.
Baş nazir konkret məbləği açıqlamayıb. Arayış üçün, hazırkı məzənnə ilə 10 milyard şekel təxminən 3,25 milyard dollara bərabərdir.
Yeganə
