İsrail döyüş təyyarələrinin blokada altında olan Qəzza zolağında 4 təcili yardım maşını hədəf aldığı bildirilib.
Elchi.az xəbər verir ki, Qəzzada Səhiyyə Nazirliyinin X sosial media hesabından edilən qısa açıqlamada İsrailin hücumlarında Qəzza zolağının şərqindəki Absan bölgəsində 4 təcili yardım maşınının hədəf alındığı qeyd edilib.
Təcili yardım maşınlarının vəziyyəti ilə bağlı ətraflı məlumat verilməyib.
Nazirlikdən verilən digər açıqlamada İsrailin Qəzzada Heydər Əbdüşşəfi Sağlamlıq Mərkəzinin yaxınlığındakı ərazini bombaladığı bildirilib.
Fotoların da paylaşıldığı açıqlamada hücumlar nəticəsində zərər görən mərkəzin yararsız hala düşdüyü bildirilib.
Şayəstə Hüseynova