İsa Həbibbəyli: Oğlumun harada olduğunu bilmirəm

Mənim oğlumla, Naxçıvanda baş verənlərlə bağlı deməyə sözüm yoxdur. Hesab edirəm ki, övladla bağlı ataya sual verməyin özü etikaya sığmır.
Elchi.az xəbər verir ki, bu barədə Gununsesi.info-ya Naxçıvan Muxtar Respublikasının Gömrük Xidmətinin rəisi Səhət Həbibbəylinin saxlanması barədə xəbərlərə atası, AMEA prezidenti İsa Həbibbəyli münasibət bildirərkən deyib.
“Oğlunuz haradadır, ondan xəbəriniz varmı” sualına isə İsa Həbibbəyli ”Bilmirəm haradadır, xəbərim yoxdur” deyərək, telefonun dəstəyini asıb.
Qeyd edək ki, Naxçıvan Muxtar Respublikasında anti-korrupsiya əməliyyatları başlayıb.
Muxtar Respublikanın gömrük və digər maliyyə qurumlarından bir neçə şəxsin həbs edildiyi deyilir.