İordaniyanın xarici işlər naziri Ayman əs-Səfədi və səudiyyəli həmkarı Feysəl bin Fərhan ölkələri Fələstin dövlətini tanımağa çağırıb.
Elchi.az xəbər verir ki, Safadi və bin Fərhan Birləşmiş Millətlər Təşkilatının (BMT) Yüksək Səviyyəli Beynəlxalq Konfransında Fələstin probleminin sülh yolu ilə həlli və iki dövlətli həll yolunun həyata keçirilməsi ilə bağlı çıxış ediblər.
Safadi ədalətli sülhün regional təhlükəsizliyi təmin edəcək strateji hədəf olduğunu bildirib və dünyanı Fələstin dövlətini tanımağa çağırıb.
“Sülh və işğalın bir yerdə mövcud ola bilməyən iki əks anlayış olduğuna” işarə edən Safadi, Fransanın Fələstin Dövlətini tanıması qərarını təqdir etdiyini bildirib və daha çox ölkəni bu addımı atmağa çağırıb.
Safadi, “İki dövlətli həllin həyata keçirilməməsinin yaratdığı fəlakət Fələstin torpaqlarında hər gün ölüm, dağıntı və aclıqla özünü göstərir. Qəzza qəbiristanlığa çevrilib, fələstinlilər dünyanın gözü qarşısında öldürülür və aclıq çəkirlər” dedi. Səudiyyə Ərəbistanının xarici işlər naziri bin Fərhan da konfransda çıxış edərək bildirib ki, Qəzzada dinc sakinlər aclıq, bombardmanlar, köçkünlər və beynəlxalq humanitar yardım səylərinin sistematik şəkildə pozulması da daxil olmaqla, ən dəhşətli pozuntulara məruz qalırlar. Bin Fərhan əminlik və sülhün fait accompli və hüquqların qəsb edilməsi ilə əldə edilə bilməyəcəyini bildirib və bütün ölkələri Fələstin dövlətini tanımağa çağırıb.
Şayəstə Hüseynova
