İnterpolun Latın Amerikasının 15 ölkəsində odlu silahlara qarşı təşkil etdiyi “Trigger IX” əməliyyatında 8263 odlu silah, ümumilikdə 5,7 milyard dollar dəyərində 575 ton narkotik maddə və narkotik istehsalında istifadə olunan xammal ələ keçirilib, 14 min 260 nəfər saxlanılıb.
Beynəlxalq Polis Xidməti (İnterpol) martın 12-dən aprelin 2-dək Latın Amerikasının 15 ölkəsində “Trigger IX” adı altında odlu silahlara qarşı əməliyyat keçirib.
Elchi.az İnterpolun verdiyi açıqlamaya istinadən xəbər verir ki, əməliyyatın Meksika, Braziliya, Kolumbiya, Argentina, Çili, Ekvador, Salvador, Boliviya, Kosta-Rika, Qvatemala, Honduras, Panama, Paraqvayda 100-dən çox mühafizəçi ilə aparıldığı bildirilərək, bənzərsiz əməkdaşlıq nəticəsində cinayətkarlara böyük zərbə vurulduğu bildirilib.
İnterpol rəsmiləri qeyri-qanuni odlu silahların qətl, narkotik və insan alveri kimi digər cinayətlərlə birbaşa əlaqəli olduğunu vurğulayıblar.
Trigger IX əməliyyatında 8263 qanunsuz odlu silah və 305 min sursat müsadirə edilib, 14260 nəfər saxlanılıb.
Trigger IX əməliyyatı zamanı həmçinin bazar dəyəri 5,7 milyard dollar olan 203 ton kokain və digər narkotik vasitələr, narkotik istehsalında istifadə olunan 375 ton xammal ələ keçirilib.
Əməliyyatla 20 cinayət təşkilatına zərbə endirilib.
Trigger IX əməliyyatının İnterpolun qanunsuz odlu silahlara qarşı indiyə qədər təşkil etdiyi ən böyük əməliyyat olduğu və əməliyyat sayəsində”Primeiro Comando Capital”,”Mara Salvatrucha” və “Balkans Cartel” kimi ümumilikdə 20 cinayət təşkilatının ələ keçirildiyi ifadə edildi.
Bildirilib ki, Avropa İttifaqı (Aİ) tərəfindən maliyyələşdirilən Trigger IX əməliyyatına ABŞ-ın Alkoqol, Tütün, Odlu Silahlar və Partlayıcılar Bürosu və Daxili Təhlükəsizlik Təhqiqat İdarəsi də dəstək verib.
Nuranə Məmmədova
Son şərhlər