Bu şəkillərin müəllifi qaraçı əsilli Kanada rəssamı Rob QONSALVESDİR. Onlara baxan kimi düşünürsən:”Bütün bunları real həyatda görmək olarmı?” Bu şəkillərin hər birində eyni vaxtda müxtəlif məqamlar öz əksini tapır. O məqamların sərhəddini müəyyənləşdirmək çox vaxt çətin olur. Sanki yuxudasan. Bir möcüzəli dünyadan digərinə adlayırsan. Çünki təsvirlər bir-birini təqib edir.
Rob hələ uşaqlıqdan təsviri sənətə maraq göstərdiyindən, indi onun üçün belə mürəkkəb illüziyaları yaratmaq çətin olmur. Hələ 12 yaşından yaradıcılıqda qazandığı uğurlara görə öyünə bilərdi. Bu uğurlarda Robun Salvador Daliyə və Rene Maqritə olan sevgisi az rol oynamayıb.
Görəsən, öz rəsmlərilə Qonsalves bizə nələri demək istəyir? Bu rəsmlərin mürəkkəbliyinə, dərin illuziyasına baxmayaraq hər şey çox sadədir: mümkünsüz olan mümkünə çevrilir. Axı həyatda olduğu kimi, sənətdə də öz dünyanı yaradırsan. ELCHİ.AZ
Son şərhlər