“Influencer sözünün mənası cəlb edən deməkdir. Yəni hər hansı bir kütləni bir yerə cəlb etməkdir. Məsələn bir tədbir təşkil edilirsə Influencer ora insanları cəlb edir, məlumat verir və eyni zamanda lazımi məlumatları kütləyə çatdırır”. Bu fikirləri Elchi.az-a açıqlamasında media üzrə mütəxəssis Ələmdar Manafov deyib.
O həmçinin açıqlamasında əlavə edib: ” Bu sahədə çalışanlar işinə çox ciddi yanaşmalıdılar, çünki böyük kütləni idarə etmiş olurlar , ona görə hər addımları və həm sözləri haqqında düşünüb hərəkət etməlidilər. Öz üzərində çalışıb şəxsi bacarıqlarını inkişaf etdirməlidir ki, ona təqdim olunan layihələri doğru şəkildə kütləyə çatdırsın, çünki kütlə ondan doğru məlumatlar gözləyir. Əgər səhv məlumat versə həmən kütləni itirə bilər və ona zərər verə bilərlər. Lakin əlbəttə ki, qarşısına çıxan təcrübələri kütlə ilə bölüşməlidir”.
Ə.Manafov həmçinin qeyd edir ki, bir şəxs Influencer olmamışdan əvvəl bir işlə məşğul olmalıdır və o işi sevməlidir: “Günümüzdə bu peşəyə yiyələnmək istəyən şəxslər çoxdu, lakin öncə bir peşə seçimi etməlidilər ki, kütləni qazana bilsin. Çünki səndə bacarıq və ya bir fərqlilik yoxdursa insanlar səni izləməyəcək. Izləyicilər əslində influencer üçün bir ailədir və çalışıb izləyicilərlə səmimi bağ qurmaq lazımdır”.
Havar Şəfiyeva
Son şərhlər