İndoneziyanın Qərbi Kalimantan əyalətində vertolyotun qəzaya uğraması nəticəsində səkkiz nəfər həlak olub.
Elchi.az xəbər verir ki, “Jakarta Globe” qəzetinin məlumatına görə, pilot, ikinci pilot və altı sərnişini daşıyan vertolyot dünən yerli vaxtla saat 07:34-də əyalətin Melavi bölgəsindən havaya qalxıb.
Havaya qalxdıqdan sonra saat 08:39-da əlaqəsi kəsilən Airbus H130 model vertolyotunun itkin düşdüyü bildirilir.
Axtarış-xilasetmə qrupları vertolyotu Qərbi Kalimantan əyalətinin Sekadau bölgəsindəki çətin çatılan ərazidə tapıblar. Hakimiyyət orqanları vertolyotun göyərtədəki səkkiz nəfərin hamısının öldüyünü bildirib. Qəzanın səbəbi ilə bağlı hələlik heç bir açıqlama verilməyib.
Şayəstə
