ABŞ milyarder iş adamı Elon Maskın rəhbərlik etdiyi aerokosmik şirkət olan Space Exploration Technologies Corp (SpaceX) ilkin kütləvi təklif (IPO) üçün müraciət edib.
Elchi.az xəbər verir ki, SpaceX, IPO prosesinə başlamaq və səhmlərini fond birjasında siyahıya almaq üçün sənədi ABŞ Qiymətli Kağızlar və Birja Komissiyasına (SEC) təqdim edib.
Sənəddə şirkətin səhmlərini Nasdaq-da “SPCX” simvolu altında ticarət etməyi planlaşdırdığı bildirilir.
Sənəddə şirkətin iki fərqli səhm strukturunun olacağı göstərilir: “A Sinif” səhmləri hər səhmə bir səs hüququ verən açıq şəkildə ticarət ediləcək, Mask isə hər biri on səs hüququna malik olan “B Sinif” səhmlərinin əksəriyyətinə sahib olacaq.
Bu, Maska IPO-dan sonra belə şirkət üzərində nəzarəti saxlamağa imkan verəcək. IPO-ya rəhbərlik edən və həyata keçirən maliyyə institutlarının da siyahısını təqdim edən sənədə Goldman Sachs, Morgan Stanley, Bank of America Securities, Citigroup və JPMorgan kimi böyük investisiya bankları daxildir. Sənəddə həmçinin şirkətin biznes modeli, maliyyə vəziyyəti, risk faktorları və gəlirlərin necə istifadə ediləcəyi barədə ətraflı məlumat paylaşılıb. Milli media bu IPO-nun ABŞ bazarlarında ilk “trilyon dollarlıq” IPO olacağını bildirib. Bundan əlavə, SpaceX-in səhmlərini 12 iyunda birjada ticarətə başlamağı planlaşdırdığı xəbəri diqqət çəkib.
Şayəstə
