Yəməndəki Husilər (Ənsarullah Hərəkatı) İsrailin cənubundakı Ramon hava limanını saatlarla istismardan çıxardıqlarını açıqladı.
Elchi.az xəbər verir ki, Husilərə bağlı Yəmən Silahlı Qüvvələrindən verilən yazılı açıqlamada, “Pilotsuz uçuş aparatımız (PUA) qüvvələrimiz Negev səhrası (Negev), Umm ər-Rəşraş (Eilat), Əskalan (Aşqelon), Usdud (Aşdod) və Cafelivdə çoxsaylı hədəfləri hədəf alan genişmiqyaslı hərbi əməliyyat keçirib.
Açıqlamada qeyd edilib ki, hücumlar arasında “birbaşa Eilatdakı Ramon hava limanını vuran, hava nəqliyyatını pozan PUA zərbəsi və Negevdə iki həssas hərbi hədəfi (adı açıqlanmayan) vuran üç İHA” var. Bundan əlavə, “Bir İHA Aşkelonda həyati bir hədəfə, bir PUA Lid (Ben Qurion) hava limanına, iki İHA isə Aşdod bölgəsində həyati bir hədəfə qarşı atılıb”.
Bildirilib ki, əməliyyat “Allahın köməyi ilə məqsədlərinə uğurla çatdı, İsrail və ABŞ hava hücumundan müdafiə sistemləri isə bu hücumların bir çoxunu aşkar edib qarşısını ala bilmədi”.
Husilər öz bəyanatlarında “nəticələrindən asılı olmayaraq hərbi əməliyyatlarını gücləndirəcəklərini və Qəzzaya verdikləri dəstəkdən geri çəkilməyəcəklərini” vurğulayıblar.
Həmçinin məlumat verilib ki, Yəmən silahlarını daha təsirli və effektiv etmək üçün inkişaf etdirir.
İşğal altındakı Fələstindəki hava limanlarının təhlükəsiz olmadığı, davamlı olaraq hədəf alınacağı və bu səbəbdən şirkətlərin heç bir məsuliyyət daşımayacağı” ifadəsi ilə bütün hava yollarına da xəbərdarlıq edilib.
Husilər hava limanlarının dərhal boşaldılmalı olduğunu və bu təhlükəli ərazilərə qayıtmamalı olduqlarını bəyan ediblər. Husilər İsraili hədəf alan raket və dron hücumları ilə yanaşı, İsrail gəmilərini və ya İsrailə doğru hərəkət edən gəmilərini də hədəf alır və bu hücumların İsrailin Qəzza zolağında davam edən soyqırımına cavab olduğunu bildirir.
Qrup İsrail Qəzzadakı məhvetmə müharibəsini bitirənə qədər hücumlarını davam etdirəcəyini bəyan edib.
Bu arada İsrail dövlət televiziyası KAN, pilotsuz təyyarənin hava limanının sərnişin terminalına çırpılaraq 5 nəfərin yaralandığını, 3 nəfərin isə şokdan əziyyət çəkdiyini bildirib. Hadisə ilə bağlı araşdırmalara başlanılıb.
İsrail ABŞ-ın dəstəyi ilə 7 oktyabr 2023-cü ildən Qəzzada qırğın, aclıq, dağıntı və məcburi köçkün siyasəti həyata keçirir. Beynəlxalq Ədalət Məhkəməsinin hücumların dayandırılması ilə bağlı çağırışlarına və qərarlarına məhəl qoymur.
Bu soyqırım nəticəsində əksəriyyəti qadın və uşaqlar olmaqla 64 min 368 fələstinli həyatını itirib, 162 min 367 nəfər isə yaralanıb. 9 mindən çox insan itkin düşüb, yüz minlərlə insan isə didərgin düşüb. Aclıq nəticəsində 138-i uşaq olmaqla 387 fələstinli həyatını itirib.
Şayəstə Hüseynova
Son şərhlər