Hollandiya Auditorlar Məhkəməsi son 23 ildə hökumətin illik büdcəsindən sığınacaq prosesi üçün kifayət qədər vəsait ayırmadığını və bunun sığınacaq müraciət edən qurumların böhrana girməsinə səbəb olduğunu açıqlayıb.
Elchi.az xəbər verir ki, Hesablama Məhkəməsi hökumətin 2000-ci ildən bəri sığınacaq müraciətləri üçün nəzərdə tutduğu və istifadə etdiyi büdcələrlə bağlı hesabatını dərc edib.
Hesabatla bağlı edilən yazılı açıqlamada hökumətin 2012 və 2017-ci illər istisna olmaqla, sığınacaq prosesi üçün son 23 ildə 21 dəfə xərclədiyindən qat-qat az proqnozlaşdırdığı və “Hökumətin Sığınacaq prosesi üçün kifayət qədər büdcə ayırın” ifadəsindən istifadə edildi.
Açıqlamada büdcə kəsirinin ən çox 2022-ci ildə olduğu, hökumətin 500 milyon avro büdcəsinə baxmayaraq, keçən il sığınacaq müraciətlərinə 1,5 milyard avrodan çox vəsaitin xərcləndiyi qeyd edilib. Gözləniləndən daha çox sığınacaq müraciəti, sığınacaq üçün müraciət prosesinin uzunluğu, qurumların struktur problemləri və müraciəti qəbul edilənlər üçün təmin ediləcək sığınacaqların qeyri-kafi olması səbəbindən daha çox xərc çəkildiyi vurğulanıb.
Hesabatda Mərkəzi Qaçqın Yerləşdirmə Orqanının (MQM) büdcə çatışmazlığı səbəbindən daim böhran içində olduğu və hökumətin daha sağlam sığınacaq prosesi qura bilmədiyi bildirilib.
Bəyanatda qeyd olunub ki, bələdiyyələrin sığınacaq axtaranlar üçün sığınacaq açmaq istəməməsi və Ukraynadan gələn qaçqınların çoxluğu mövcud problemlərin həllini çətinləşdirib.
Yeganə