Nasistlər Piri Rəisin xəritəsinin yadplanetlilərin məlumatları əsasında hazırlandığı qənaətinə gəlmişdilər
Rusiya telekanallarından birində 2-cü Dünya Müharibəsi ilə bağlı maraqlı sənədli film yayımlanıb.
Sənədli filmdə Adolf Hitlerin, Piri Rəis xəritələrindən istifadə edərək Antarktida UNO (Uçan Naməlum Obyekt) bazası qurduğu iddia edilib. 40 dəqiqəlik sənədli filmdə, nasistlərin apardıqları təcrübələri, rus hərb tarixçisi Dimtriy Filipov izah edib. Dimitriyə görə faşistlər, Piri Rəisin 16-cı əsrdə çəkdiyi xəritənin müasir xəritələrə görə çox daha həqiqi olduğunu, ancaq cənub qütbü ilə bağlı ciddi səhvlərin olduğunu müəyyən ediblər.
İddiaya görə Piri Rəisin xəritəsinin yadplanetlilərin məlumatları əsasında hazırlandığı qənaətinə gələn alman alimləri, 1939-ci ildə Antarktidanın mərkəzində, 1,5 km dərinlikdə şirin su gölləri tapıblar. Antarktidaya “Schvabia” adını verən almanlar, buzların altında hərbi baza quraraq, uçan dairə texnologiyasını özündə ehtiva edən tapıntılar üzərində araşdırmalara başlayıblar.
1945-ci ildən Berlinə girən ABŞ və Sovet ordusu isə nasist sirlərinin arxasınca düşüblər. İddiaya görə ABŞ kəşfiyatı Antarktikadakı gizli alman bazasından bu vaxtı xəbər tutublar.
Sənədli filmdə idda edilir ki, 1947-ci ildə ABŞ hərbi təyyarələri və 15 savaş gəmisi, admiral Berton əmrində cənub qütbünə səfərə çıxmıb. ABŞ donanmasının əsl məqsədi, qütbdəki nasist qalıqlarını məhv etmək olub. Lakin ABŞ hərbi gəmiləri bölgəyə çatdığında, boşqabı xatırladan nəhəng dairələr təyyarələri və gəmiləri bir neçə dəqiqənin içində məhv edib.
Bizimyol.info həmin sənədli filmi təqdim edir:
https://youtu.be/yx6u9dxL1rw
Son şərhlər