ABŞ prezident seçkilərinə namizəd Nikki Heyli maraqlı açıqlamaları ilə gündəmə gəlib.
Elchi.az-ın xarici mediaya istinadən xəbərinə görə, o, prezident olduqdan sonra ABŞ-a nifrət edən ölkələrə pul verməyi dayandıracaqlarını söyləyib.
ABŞ-da 2024-cü il prezident seçkilərində Respublikaçılar Partiyasından namizədliyini açıqlayan Heyli 2023-cü il Mühafizəkar Siyasi Fəaliyyət Konfransında (CPAC 2023) çıxış edib.
Heyli ABŞ-ın Birləşmiş Millətlər Təşkilatında (BMT) səfiri olarkən müttəfiqlərinin arxasınca baxacağını dediyini, lakin ABŞ-ın arxasında dayanmayan ölkələrin adlarını qeyd edəcəyini bildirib. Bu kontekstdə ABŞ-ın səfirliyini Təl-Əvivdən Qüdsə köçürmə qərarından sonra baş verənləri xatırladan Heyli deyib:
“128 ölkə bizi qınadı. Onların adlarını aldım. Ofisimə getdim və işçilərimə siyahı tərtib etdim. Onlar 193 ölkəni sadaladılar. İkinci sütunda ABŞ-ın lehinə və əleyhinə səslərini yazmağı xahiş etdim. Və son sütunda onlara nə qədər xarici yardım verdiyimizi qoymalarını istədim”.
Bizi kürəyimizdən bıçaqlayırlar
Heyli ABŞ-ın “quyusunu qazan” ölkələrə milyardlarla dollar verdiyini deyib:
“Bizi arxamızdan bıçaqlayırlar, sonra da pul istəyib yardım əlimizi uzatmağı istəyirlər. Mən prezident olduqdan sonra ABŞ-a nifrət edən ölkələrə pul verməyi dayandıracağıq”.
Yeganə
Son şərhlər