ABŞ prezidenti Donald Tramp HƏMAS-a Qəzza zolağında atəşkəslə bağlı son təklifi qəbul etmələri barədə xəbərdarlıq edib. Bundan sonra HƏMAS öz şərtlərini açıqlayan bəyanat yayaraq, “Dərhal danışıqlar masasına oturmağa hazırıq” deyib.
Elchi.az xəbər verir ki, HƏMAS ABŞ prezidenti Donald Trampın HƏMAS-a Qəzza zolağında atəşkəslə bağlı son təklifi qəbul etmə xəbərdarlığına cavab verib.
HƏMAS-ın bəyanatında qrupun danışıqlara hazır olduğu bildirilərək, “Müharibəyə son qoyulması, Qəzza zolağından tamamilə çıxarılması və Qəzza zolağının idarə olunması üçün müstəqil fələstinlilərdən ibarət komitənin yaradılması müqabilində bütün məhbusların azad edilməsini müzakirə etmək üçün dərhal danışıqlar masasına oturmağa hazırıq.” Açıqlamada vurğulanıb ki, ABŞ-dan bəzi təkliflər alan Həmas, bu təklifləri hərtərəfli bir razılaşmaya çevirmək üçün vasitəçilərlə daim əlaqə saxlayır. Bildirilib ki, “Həmas xalqımıza qarşı təcavüzü dayandırmaq üçün səylərə kömək edəcək istənilən addımı alqışlayır”.
Tramp HƏMAS-a xəbərdarlıq edib
ABŞ prezidenti Donald Tramp sosial media hesabından verdiyi açıqlamada HƏMAS-ı Qəzza zolağında atəşkəslə bağlı son təklifi qəbul etməyə çağırıb. Tramp, “Hər kəs girovların evə qayıtmasını istəyir. Hamı istəyir ki, bu müharibə bitsin. İsraillilər mənim şərtlərimi qəbul etdilər. İndi HƏMAS-ın da onları qəbul etmə vaxtıdır. Mən HƏMAS-ı onları qəbul etməməyin nəticələri barədə xəbərdar etdim. Bu mənim son xəbərdarlığımdır, daha olmayacaq”.
Şayəstə Hüseynova
Son şərhlər