Fələstinin Həmas hərəkatı İsrail Müdafiə Qüvvələrinin girov saxlanılan İsrail əsgərini azad etməsini təkzib edib. Elchi.az RİA Novostiyə istinadən xəbər verir ki, bu barədə hərəkatın hərbi qanadı sayılan İzzəddin əl-Qəssam briqadalarının nümayəndəsi Əbu Obeydə məlumat verib.
Onun sözlərinə görə, İsrail bir məhbusu belə azad edə bilməyib. “Biz düşmənin Əl-Qəssam briqadalarının saxladığı əsirlərdən hər hansı birinə çata bildiyini inkar edirik”, – deyə Obeyda bildirib.
Qeyd edək ki, İsrail ordusu daha əvvəl HƏMAS tərəfindən girov götürülən İsrail əsgəri Ori Megidişin azad edildiyini açıqlayıb. Bildirilib ki, o, Qəzza zolağında quru əməliyyatı zamanı azad oluna bilib.
Havar Şəfiyeva
