“Xəstəlik məndən əl çəkməyib…”
“Xəstəlik məndən əl çəkməyib, iki aydan bir Almaniyaya yoxlamaya getməliyəm”.
Bu sözləri xəstəliyi ilə bütün azərbaycanlıları məyus etmiş tanınmış teleaparıcı Hacı Nuran Hüseynov deyib.
ANS PRESS-in məlumatına görə, 2 ilə yaxın Almaniyada xərçəng xəstəliyi ilə mübarizə apardıqdan sonra vətənə qayıdan Hacı Nuran bu gün ANS TV-nin qonağı olub.
Xeyirxah layihələri ilə ictimaiyyətin sevimlisinə çevrilən teleaparıcının qayıdışı ölkədə şad hadisə kimi qarşılandı. Azərbaycana qayıtdığı 10 gün ərzində demək olar ki, hər gün efirlərə dəvət alan Hacı Nuran “Günə Baxan”ın tamaşaçıları ilə də görüşə gəlib.
Əvvəlcə Telli Hüseynovanın “Mətbəx” rubrikasının qonağı olan Nuran bəy, daha sonra Kamran Həsənlinin müzakirələrinə qoşulub.
ANS PRESS
