“Güc strukturlarının üzərində mütləq mülki nəzarət olmalıdır”

Qüdrət Həsənquliyev: “Azərbaycanda çoxsaylı dövlət orqanları hərbiləşdirilib”

“Komitə iclasında bu barədə danışmışdım, plenar iclasda da fikir bildirmyi vacib hesab edirəm. Ümumiyyətlə Azərbaycanda çoxsaylı dövlət orqanları hərbiləşdirilib. Onlar forma geyinirlər. Məsələn prokurorluq, gömrük, vergi, Miqrasiya Xidməti və.s qurumları buna misal göstərmək olar. Mən hesab edirəm ki, bu qədər hərbiləşdirilmiş dövlət orqanlarına ehtiyac yoxdur. Bir çoxu ümumiyyətlə iqtisadi fəaliyətlə məşğuldur”.
Bu fikirləri Milli Məclisin plenar iclasında çıxşı zamanı Bütöv Azərbaycan Xalq Cəbhəsi Partiyasının (BAXCP) sədri, parlamentin hüquq siyasəti və dövlət quruculuğu komitəsinin sədr müavini Qüdrət Həsənquliyev “Prokurorluq işçilərinin xidməti vəsiqəsi haqqında” Azərbaycan Respublikası Qanununun ləğv edilməsi barədə və “Prokurorluq orqanlarında qulluq keçmə haqqında” qanun layihələrinin birinci oxunuşda müzakirəsi zamanı səsləndirib.
Millət vəkilinin sözlərinə görə, prokurorluğun ona görə mülki orqan kimi fəaliyyət göstərməsinə ehtiyac var ki, güc strukturlarının üzərində mütləq mülki nəzarət olmalıdır: “Hansısa bir dövlət orqanı əlində silah olan şəxslərin üzərində ciddi nəzarəti təmin eləməlidir. Bu yaxınlarda mən bir materialla tanış oldum. Orada qeyd olunurdu ki, vaxtilə çar rusiyası ordusunda ağqvardiyaçı admiralı güllələməyə aparanda o deyir ki, “burada bizim daxili nizamnaməyə görə, generalı yalnız general güllələyə bilər. Ona görə də mənim ölümümlə bağlı hökmün icra olunmasını yalnız mən əmr verə bilərəm”. Çox təəssüf, Azərbaycanda da belə hadisələr var ki, general çavuşa deyir ki, o biri generalı şillələ. Bunu niyə xatırlatdım? Tutaq ki, bizim hərbi prokurorluğun bir leytenantı sabah polkovniki, generalı da dindirə bilər. Bu müəyən mənada etik olaraq da doğru deyil. Ona görə də, prokurorluq orqanlarının hamısı mülki sturktur olmalıdır. Əlbəttə həmkarlarımdan deyən olacaq ki, dünyanın əksər ölkələrində prokurorluq var. Amma biz bir çox sivil ölkələr üçün müsbət nümunələr yaratmışıq. Bir nüunədə bu olsun. Ümumiyyətlə prokurorluq işçiləri mülki şəxslər olmalıdır və mən düşünürəm onların forma geyinməsinə də ehtiyac yoxdur. O cümlədən də vergi, gömrük, miqrasiya xidməti və.s. Komitə iclasında hörmətli həmklarım Tahir müəllim bir maraqlı fikir söylədi, bildirdi ki, meşəbəyi də prokuror kimi geyinir. Bildirdi ki, bir nəfər meşəbəyi ilə prokuroru dəyişik salmışdı. İndi bu qədər dövlət orqanlarının hamısı forma geyinib şəhərə çıxsalar bu ölkə militarist imic qazanar.
Mən təklif edirəm ki, bu məsələ üzərində düşünək. İndiyə qədər kimlər ki, general və müxtəlif rütbələr alıblar, obnların rütbələri saxlanılsın. Amma gələcək baxımından bu əlbəttə ki, siyasi qərarın omasını tələb edir ki, biz bu məsələlərə baxaq”.