ABŞ-da yerləşən texnologiya şirkəti Google süni intellekt bölməsi olan Google DeepMind-in yüksək rəhbərlik qrupunda dəyişikliklər edib.
Elchi.az xəbər verir ki, Google-un ana şirkəti Alphabet-in baş direktoru Sundar Pichai, ABŞ-da yerləşən X şirkətinin sosial media platforması hesabında Google DeepMind komandalarındakı dəyişiklikləri açıqlayıb.
Pichai, Google DeepMind-in qurucularından biri olan Demis Hassabis-in Google DeepMind-in direktorlar şurasının sədri və Alphabet-in baş alimi vəzifələrini icra edəcəyini, eyni zamanda İzomorfik Labs-a rəhbərlik etməyə davam edəcəyini bildirib.
Pichai, Hassabis-in yeni vəzifəsində vaxtını və diqqətini süni ümumi intellektin və elmi kəşflərin gələcəyini formalaşdırmağa həsr edəcəyini qeyd edərək, bu işin Alphabet və bəşəriyyət üçün böyük əhəmiyyət kəsb etdiyini əlavə edib.
Pichai həmçinin bildirib ki, Google DeepMind-in baş texnologiya direktoru və baş süni intellektin memarı Koray Kavukçuoğlu Google DeepMind-in baş vitse-prezidenti vəzifəsini icra edəcək.
Piçai Kavukçuoğlunun model inkişaf prosesləri, süni intellekt tədqiqatlarının qabaqcıllığı, Gemini tətbiqi və inkişaf qruplarından məsul olacağını bildirib və əlavə edib: “Koray 13 ildir ki, Google DeepMind-də çalışır və öz sahəsində dünyaca məşhur mütəxəssisdir. O, dərin öyrənmə komandamızı qurdu və WaveNet və DQN kimi əhəmiyyətli irəliləyişlərə rəhbərlik etdi. Google DeepMind etibarlı əllərdədir.”
Şayəstə
