Fransanın enerji şirkətləri prezident Emmanuel Makronun həddindən artıq müqavilələri dəyişdirmək tələblərinə tabe olaraq, kiçik biznes üçün qiymətləri azaltmağa razılaşıblar.
Elchi.az “Bloomberg”-ə istinadən xəbər verir ki, üç saatlıq görüşdən sonra maliyyə naziri Bruno Le Maire, enerji şirkətlərinin 2023-cü ildə tənzimlənən qiymətlərdən hələ də faydalanmayan 600.000 ən kiçik şirkətə hər saat üçün orta hesabla 280 avro elektrik enerjisi tarifi təklif edəcəklərini söyləyib.
Yüksək elektrik ödənişləri bütün Avropada istehlakçılara və bizneslərə təzyiq göstərir, hökumətləri iqtisadiyyatlarını gücləndirmək üçün vergi endirimləri və subsidiyalara on milyardlarla avro xərcləməyə məcbur edir. Bir sıra ölkələr, o cümlədən Fransa, bu tədbirlərin bəzilərini maliyyələşdirmək üçün elektrik enerjisi satışına gözlənilməz vergilər tətbiq edib.
Le Maire əlavə edib ki, enerji şirkətləri və dövlət Fransanın ən kiçik şirkətləri üçün yeni tədbirlərin dəyərinin necə bölünməsi ilə bağlı danışıqları davam etdirəcək.
Yeganə