Finlandiya şərq sərhədində 200 kilometr uzunluğunda mühafizə çəpərinin tikintisini başa çatdırıb.
Elchi.az xəbər verir ki, bu barədə “Yle” məlumat yayıb.
Çəpərin tikintisi bazar ertəsi, sentyabrın 7-də Nuyyamaa sərhəd-keçid Məntəqəsi yaxınlığında yekunlaşıb.
Finlandiyanın daxili işlər naziri Mari Rantanen gələcəkdə çəpərin daha da uzadıla biləcəyini istisna etməyib.
“Müəyyən mərhələdə daha böyük çəpərləməyə ehtiyacın olub-olmaması qiymətləndiriləcək. Bu cür layihələri maliyyələşdirmək üçün xüsusilə Aİ-nin şərq üzv ölkələrinə ayırdığı maliyyə dəstəyinə ehtiyacımız var”, — deyə Rantanen bəyan edib.
Bununla yanaşı, nazir vurğulayıb ki, şərq sərhədinin təhlükəsizliyini təmin etmək üçün təkcə çəpər kifayət deyil. Onun sözlərinə görə, qanunsuz daxil olmanın qarşısının alınmasında qüvvədəolma müddətinin daha iki il uzadılması təklif edilən Sərhəd Təhlükəsizliyi Haqqında Qanun mühüm rol oynayır.
Rantanen həmçinin bildirib ki, “təhlükə vəziyyəti dəyişmədiyi” üçün Finlandiya hələlik şərq sərhədindəki keçid məntəqələrini açmağı planlaşdırmır.
Məryəm
