“Qış fəslinə xarakterik olmayan anomal isti hava şəraitinin səbəbi sinoptik şəraitlə əlaqədar cənub istiqamətli isti hava axınının ölkə ərazisinə daxil olmasının təsiridir ki, bunun nəticəsində fevralın ilk ongünlüyündə Bakıda və Abşeron yarımadasında 22-24, rayonlarda isə 22 dərəcəyədək isti qeydə alındı.”
Bununla bağlı Milli Hidrometeorologiya Xidmətinin rəisi Nazim Mahmudov açıqlama verib.
Onun sözlərinə görə, fevral ayının ilk ongünlüyündə ölkə ərazisində müşahidə olunan mülayim hava qışdan çox yaz fəslini xatırladıb:
“Belə ki, mülayim cənub istiqamətli küləklərin fonunda havanın temperaturu iqlim normasından 2-14 dərəcə yüksək olub.
Çoxillik meteoroloji müşahidə məlumatları və təhlillər göstərir ki, ötən illərin fevral ayında da belə anomal isti hava şəraiti müşahidə olunub. Bakıda və Abşeron yarımadasında 2023-ci ilin eyni dövründə havanın temperaturu 21 dərəcə, 2021-ci ildə 22 dərəcə, 2020-ci ildə isə 25 dərəcəyədək yüksəldiyi qeydə alınıb.”
Son şərhlər