Fələstin torpaqlarını qəsb edən israillilər İordan çayının qərb sahilinin şimalındakı Kalkikyanın şərqindəki Azzun qəsəbəsində 100 zeytun tingi, 80 zeytun və sitrus ağacını kökündən çıxarıblar.
Elchi.az xəbər verir ki, Fələstinin rəsmi xəbər agentliyi WAFA-nın verdiyi məlumata görə, Fələstin torpaqlarını qəsb edərək tikilən Maale Shomrondan olan bir qrup israilli, Fələstinli Mahmud Ridvana aid 100 zeytun fidanı ilə yanaşı, Kalunyanın şərqindəki Radi Ridvank qəsəbəsinə aid 80 zeytun və sitrus ağacını kökündən çıxarıb.
Fələstin torpaqlarını qəsb edən israillilər ərazidəki kənd təsərrüfatı texnikasını oğurlayıb, su şəbəkəsini məhv ediblər.
Bunun ilk hücum olmadığı və eyni bölgədə Fələstin torpaqlarına hücumların təkrarlandığı bildirilib.
Fələstin Azadlıq Təşkilatına (FAT) bağlı olan Ayrılıq Divarı (Utanc Divarı) və Yəhudi Məskənləri ilə Mübarizə Komitəsinin məlumatlarına görə, Fələstin torpaqlarını qəsb edən israillilər may ayında işğal altındakı İordan çayının qərb sahilində fələstinlilərə və onların mülklərinə qarşı 415 hücum həyata keçirib. Qəzzaya hücumlarla eyni vaxtda İsrail ordusu və Fələstin torpaqlarını qəsb edən israillilər Şərqi Qüds də daxil olmaqla İordan çayının qərb sahilində hücumlarını intensivləşdiriblər. Fələstinin rəsmi məlumatlarına görə, 7 oktyabr 2023-cü ildən bu yana bu hücumlarda ən azı 986 fələstinli həlak olub, təxminən 7000 nəfər yaralanıb.
Şayəstə Hüseynova
