Müğənni Elçin Hüseynov “New life” restoranında fahişəxana aşkarlanması haqda yayılan xəbərlərə münasibət bildirib.
“Qafqazinfo”ya açıqlamasında sənətçi bu məlumatların yalan olduğunu qeyd edib: “Mən mədəni, özünə hörmət edən insanam. Özüm də o restoranda tez-tez oluram, “New life” fahişəxana olsa, ora getmərəm. Heç vaxt o restoranda oturmaram ki, onun başqa otağından fahişəxana kimi istifadə olunsun. Ora fahişəxana ola bilməz. Qaldı ki, restoranın mənə məxsus olmağına. bildirmək istəyirəm ki, çay evi mənim adıma deyil. Bu, Çay Evinə qarşı böhtandır”.
Yusif Mustafayev isə aznews.az-a açıqlamasında çay evinin qayını Elçin Hüseynova məxsus olduğunu təsdiq edib: “New Life” çay evinin ətrafında yaranan söz-söhbət böhtan xarakterlidir. Tamamilə yalan sözdür. Onlar abırlı adamlardır. Bu, onları istəməyənlərin uydurmasıdır. Allah haqqı yalan sözdür. Ora ən abırlı yerdir, sənət adamları həmişə bura gəlir”.
* * *14:46
Binəqədi rayonunda əxlaqsızlıq yuvası aşkarlanıb.
Virtualaz.org Daxili İşlər Nazirliyinin saytına istinadən xəbər verir ki, İnsan Alverinə Qarşı Mübarizə Baş İdarəsi əməkdaşlarının keçirdikləri əməliyyat tədbirləri nəticəsində əxlaqsızlıq yuvası aşkarlanıb.
Xaçmaz rayon sakini Heybət Nemətovun Binəqədi rayonu ərazisindəki “New Life” çay evində gəlir əldə etmək məqsədi ilə əxlaqsızlıq yuvası təşkil etdiyi məlum olub.
Qeyd edək ki, sözügedən çay evi mediada tez-tez reklam olunurdu və məşhur ulduzların sevimli məkanı olduğu bildirilirdi.
Qafqazinfo” xəbər verir ki, hətta bir neçə ay əvvəl şou saytlarının birində kafe ilə bağlı reklam materialı yayımlanıb. Həmin xəbərdə həm çay evi, həm də pub və Avropa mətbəxti kimi fəaliyyət göstərən “New Life”ın 24-saat müştərilərinin üzünə açıq olduğu qeyd olunub.
Daha sonra bir daha bildirilir ki, “New Life” açılan gündən həqiqətən də tanımışların ən çox getdiyi məkandır. Məşhurlar əbəs yerə “New Life” clubu seçmirlər. Çünki burada mükəmməl xidmət var. Məkan qonaqlarını geniş və şəxsi (VİP) otaqlarla xidmət etməklə yanaşı müştərilərə “playstation 3” oyunlarını təklif edir. “New life”da 6 VİP, 4 “besetka”, 70 ümumi zal var. Amma ən əsası odur ki, “New Life” çay evi məşhur müğənni Elçin Hüseynova məxsusdur.
Sayt onu da qeyd edir ki, Elçin Hüseynov Yusif Mustafayevin qaynıdır.
Son şərhlər