Xəbər verdiyimiz kimi, oktyabrın 31-də Soçidə Ermənistanın Baş naziri Nikol Paşinyan Rusiya ilə Azərbaycan liderləri – Vladimir Putin və İlham Əliyevlə görüşəcək. 44 günlük müharibədən sonra Ermənistan tərəfinin üçtərəfli bəyanatın müddəalarını yerinə yetirmədiyinə şahid oluruq. Baş nazir Nikol Pşainyanın isə verdiyi qeyri-adekvat açıqlamalar Ermənistanın davamlı şəkildə sülh müqaviləsindən yayındığını göstərir.
Politoloq, BAXCP sədrinin müşaviri Azər Qasımov mövzu ilə bağlı sosial şəbəkə hesabında fikirlərini bölüşüb. Elchi.az-ın məlumatına görə, politoloq bildirib ki, Azərbaycanın hal-hazırdakı hərbi durumu Ermənistanın onun ərazilərini işğalda saxlamağa davam etməsinə adekvat deyil və bunun sona çatdırılmasını labüd edir:
“Qələbə çalmış, düşmənə məğlubiyyət aktı imzalatmış bir dövlətin hələ də işğalda torpaqlarının olması qeyri-normal haldır və mövcud durumla uyğun gəlmir.
Azərbaycan bu üstünlüyündən istifadə etməlidir. Kənar güclər yeni reallıqlar yaratmağa cəhd etməklə Ermənistanın bu məğlubiyyətini pərdələməyə, hadisələrin istiqamətini dəyişməyə çalışırlar.
Hesab edirəm ki, Azərbaycanın əsas tələbi məğlubiyyət aktı imzalamış Ermənistanı məğlub tərəf kimi söz sahibi olmasına imkan yaradan addımların qarşısını almaqla öz tələb və istəklərinə boyun əyməyə məcbur etmək olmalıdır. Heç bir güzəştdən danışıq belə getməməlidir. Ermənistan əgər öz xoşu ilə sülhə gəlmək istəyəcəksə, onda onların müəyyən qədər “üzlərinin saxlanmasına” imkan yaratmaq, xoş məram göstərmək olar. Yox, əgər sülhə mane olacaqlarsa, onda, deyildiyi kimi məğlub tərəf reallığı prosesə mane olan qüvvələrə baxmadan Ermənistan buna məcbur edilməlidir. Bu, Azərbaycanın hüququdur və heç kim buna mane ola bilməz.
Əgər dünya ictimaiyyəti 44 günlük müharibənin yaratdığı yeni reallıqlarını qəbul edirsə, onun nəticələrini də qəbul etməli, Azərbaycanın qələbə çalmış tərəf kimi addımlarını da məqbul qarşılamalıdır. Qaliblər həmişə haqlıdır!”.
Yeganə
Son şərhlər