Ölkənin Milli Statistika Xidməti ölkə əhalisinin sayını açıqlayıb
Ermənistanın Milli Statistika Xidməti ölkə əhalisinin sayını açıqlayıb, ölkənin daimi əhalisinin 2014-cü ildə 2013-cü ilə nisbətən azaldığını bildirib.
ANS PRESS xəbər verir ki, bu il yanvarın 1-nə olan məlumata görə, əhalinin sayı 3 milyon 010.6 min nəfər təşkil edib. Şəhər əhalisinin sayı 1 milyon 913 min, kənd əhalisinin sayı 1 milyon 097.6 min nəfərdir. 2014-cü il yanvarın 1-də isə Ermənistan əhalisi 3 milyon 017.1 min nəfər olub. Bu isə 6500 nəfər azalma deməkdir.
Milli Statistika Xidməti bildirib ki, bir il ərzində respublikanın əhalinin sayının azalması müşahidə olunur. Əgər 1 yanvar 2014-cü il vəziyyətinə şəhər əhalisi 1 milyon 914 min insan təşkil edirdisə, bu il yanvarın 1-i vəziyyətinə görə 1 milyon 913 min nəfər olub.
Kənd əhalisi isə ötən il yanvarın birində 1 milyon 103 min, bu il yanvarın əvvəlinə isə 1 milyon 097.6 min təşkil edib. Qeyd edək ki, bütün bunlar rəsmi rəqəmlərdir, qeyri-rəsmi göstəricilərin isə bundan qat-qat çox olduğu şübhəsizdir.
Ölkədə doğum səviyyəsinin azalması da qeydə alınıb. Belə ki, ötən ildə 43183, yəni 2013-cü illə müqayisədə 3,4% az uşaq doğulub.
Həmçinin ölüm göstəricisi də artıb. 2014-cü ildə 27 872 hadisə baş verib ki, bu da 2013-cü illə müqayisədə 2,5% yüksəkdir. Ötən ildə təbii artımın mütləq ölçüsü 15 311 insan təşkil edib ki, bu da 2013-cü illə müqayisədə 4,9% azdır.
ANS PRESS