Ermənistan Müdafiə Nazirliyində genişləndirilmiş kollegiya iclası keçirilib. Toplantıda separatçı rejimin nümayəndələri də iştirak edib. Nazirliyin mətbuat xidmətinin açıqlamasına görə, “iclas idarəçilik sistemində effektliliyi artırmağa yönəlik tədbirlərə, mövcud problemlərə və onlardan çıxış yollarına” həsr olub.Ancaq aydındır ki, toplantını ilk növbədə cəbhə xəttində işğalçı tərəfin ciddi uğursuzluğu və müharibə xofu zəruri edib. Belə ki, müdafiə naziri Seyran Ohanyan bildirib ki, “regionda gərgin geosiyasi situasiya nəzərə alınmaqla müzakirə edilən problemlərin dairəsi çox mühümdür”.
Ohanyan növbəti dəfə Azərbaycan tərəfini cəbhə xəttində gərginliyi artırmaqda və “inamsızlıq atmosferi yaratmaqda” ittiham edib. “Bütün bu məsələlər müdafiə strukturlarından idarəçiliyə və problemlərin həllində diqqəti artırmağı diktə edir” – deyib düşmən ölkənin hərbi naziri.
Son şərhlər