Rusiya Baş nazirinin müavini Arkadi Dvorkoviç Kremlin Vaşinqton və Avropa ölkələri ilə münasibətlərindəki mürəkkəbliyi, lakin işçi səviyyəsində əlaqələrin hələ də mövcud olduğunu etiraf edib.
Axar.az “RİA Novosti”yə istinadən xəbər verir ki, bu gün Rusiya XİN başçısı Sergey Lavrov mətbuat konfransında çıxış edərək bildirib ki, ABŞ administrasiyası bir çox istiqamətlərdə ikitərəfli dialoqu ixtisara salıb.
Rusiya amerikalı tərəfdaşlarını ikitərəfli məsələlərdə olduğu kimi, dünya arenasında da konstruktiv qarşılıqlı fəaliyyətə səsləyib: “Biz Birləşmiş Ştatlar və Avropa ölkələri ilə münasibətlərimizin çətin dövrünü yaşayırıq, lakin bütün dünya ilə deyil… Praktiki olaraq işçı səviyyəsinə gəldikdə isə avropalı tərəfdaşlarımızla əlaqələrimizi dəstəkləyirik”, – deyə Dvorkoviç “Davos Today” proqramındakı çıxışında bildirib.
Qeyd edək ki, Baş nazirin müavini Davosa Beynəlxalq iqtisadi forumda iştirak etmək üçün gedib.
Xatırladaq ki, Rusiya və Qərbin münasibətləri Ukraynadakı vəziyyətlə əlaqədar pisləşib.
Son şərhlər