Dünyada yeganə hesab edilən nadir heyvan-albinos pandası Çindəki qoruqların birində görüntülənib.
Elchi.az-ın News.am-a istinadən məlumatına görə, Çinin CCTV telekanalı xəbər verir ki, Çinin Sıçuan əyalətində yerləşən “Wolong” Milli Qoruğu bu yaxınlarda vəhşi təbiətdə gəzən albinos nəhəng pandasının görüntülərini yayımlayıb.
Fevral ayında çəkilmiş bir videoda çəhrayı gözlü, tamamilə ağ pandanın ana və onun balası olduğu güman edilən adi qara və ağ rəngdə digər iki panda ilə qarşılıqlı əlaqədə olduğu göstərilir.
Qoruq həmçinin albinos pandanın başqa bir panda ilə döyüşdüyünü və ola bilsin ki, cütləşdiyini əks etdirən fotolar yayımlayıb.
Heyət pandanın monitorinqini davam etdirəcək və gələcək tədqiqatlar üçün DNT toplamağa çalışacaq.
Yeganə