Rusiyanın kosmosa nüvə silahı yerləşdirmə planları dünəndən etibarən dünyanın ən mühüm gündəm mövzularından biridir. Britaniya mediası “qiyamət silahı” adlandırdığı nüvə silahının Putinin son və ən yaxşı ümidi ola biləcəyini irəli sürsə də, Ağ Ev belə bir silahın hazırda işlək olmadığını açıqlayıb.
Elchi.az bu barədə xarici KİV-ə istinadən xəbər verir.
Dünya Rusiyanın kosmosa nüvə silahı yerləşdirmək planları ilə bağlı çaşqınlıq içərisindədir .
ABŞ Nümayəndələr Palatasının Kəşfiyyat Komitəsinin sədri Mayk Turner dünən Rusiyanın kosmosda nüvə silahı yerləşdirmək planlarını ehtiva edən məlumatların məxfiliyini ləğv etməyə çağırıb.
ABŞ kəşfiyyatı tərəfindən “ciddi milli təhlükəsizliyə təhdid” olaraq təyin olunan iddia dünya gündəmini bomba kimi vurdu. Bu gün İngiltərə mediasında yer alan təhlillərdə Rusiyanın kosmos hərəkəti ‘qiyamət ssenarisi’ olaraq qiymətləndirilib.
Putinin yeni planının təkcə ABŞ və Avropanı deyil, Rusiyanın müttəfiqləri Çin və Hindistanı da dəhşətə gətirəcəyini iddia edən “Daily Mail” qəzeti, qiyamət silahının bütün rabitə şəbəkələrini, hərbi müdafiə sensorlarını məhv edə biləcəyini və Yer kürəsində müasir həyatı demək olar ki, qeyri-mümkün edə biləcəyini yazıb.
“Daily Mail” yazıb ki, kosmosda müharibə baş verərsə, partladılmış peyklərin hissələrinin Yerə düşmə riski böyükdür və bu hissələr əhalinin sıx məskunlaşdığı ərazilərə düşsə, nəticə dəhşətli olacaq. Hindistan və ya Hindistanın hərbi sistemləri böyük ölçüdə kosmik addım , Çin də bunu birbaşa onlara qarşı hücum kimi qəbul edə biləcəyini irəli sürdü.
Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi bildirib ki, ABŞ kəşfiyyat rəsmilərində Rusiyanın bu qabiliyyəti əldə etdiyi barədə məlumat var, lakin belə bir silah hazırda işlək vəziyyətdə deyil.
Kremlin sözçüsü Dmitri Peskov dünya gündəminə bomba kimi düşən iddianı “şərəfli uydurma” kimi qiymətləndirib.
Nüvə silahlarının kosmosa yerləşdirilməsi Moskvanın qoşulduğu 1967-ci il Kosmos Müqaviləsini pozur.
Nuranə Məmmədova
Son şərhlər