Donald Tramp Türkiyəyə təşəkkür edib

ABŞ prezidenti Donald Tramp Qəzzada sülh razılaşmasına vasitəçilik edən ölkələrə və tərəflərə təşəkkür edib.
Elchi.az xəbər verir ki, Tramp, “Bu tarixi və görünməmiş hadisəni reallaşdırmaq üçün bizimlə işləyən Qətər, Misir və Türkiyədən olan vasitəçilərə təşəkkür edirik” dedi.
Tramp sazişin ərəb və müsəlman dünyası, İsrail, ABŞ və region ölkələri üçün böyük əhəmiyyət kəsb etdiyini vurğulayıb.
HƏMAS: Türkiyə, Qətər, Misir və Trampın səylərini yüksək qiymətləndiririk
HƏMAS yazılı açıqlamada Qəzzada fələstinli qruplarla ciddi danışıqlardan sonra atəşkəs razılaşmasının əldə edildiyini təsdiqləyib.
Bəyanatda, “Həmas Qəzzada müharibənin sona çatması, işğalçıların geri çəkilməsi, yardımların daxil olması və əsir mübadiləsini nəzərdə tutan razılaşmanın əldə edildiyini elan edir” deyilir. Vasitəçilərə təşəkkür edilən bəyanatda, “Qətər, Misir və Türkiyədəki vasitəçi qardaşlarımızın səylərini çox yüksək qiymətləndiririk. Müharibəyə son nöqtəni qoymağı və işğalçı İsrailin Qəzza zolağından tamamilə çıxarılmasını hədəfləyən ABŞ prezidenti Donald Trampın səylərini də təqdir edirik”.
Tramp bəyanatında atəşkəs razılaşmasının qarant dövlətləri, müxtəlif ərəb və islam ölkələri, beynəlxalq dairələrə müraciət edərək, İsrail hökumətini razılaşmadan irəli gələn öhdəlikləri yerinə yetirməyə və razılaşdırılmış məsələlərin icrasından yayınmağa imkan verməməyə çağırıb.
Bəyanatda İsrailin Qəzza, Qüds, İordan çayının qərb sahili və bütün Fələstin ərazilərindəki planlarına qarşı şərəfli mövqe tutan fələstinlilər alqışlanaraq, “Bu böyük fədakarlıqlar və düzgün mövqe İsrailin tabeçilik və köçkünlük planlarını işğal etməkdə uğursuzluğa düçar oldu.” Bəyanatda qeyd olunub: “Xalqımızın fədakarlıqlarının hədər getməyəcəyini, verdiyimiz sözə sadiq qalacağımızı, xalqımızın azadlıq, müstəqillik, öz müqəddəratını təyinetmə hüququ kimi milli hüquqlarından əl çəkməyəcəyimizi vurğulayırıq”.

Şayəstə Hüseynova