Deputatdan sensasion təklif: nazirlər küçələri təmizləsin…

“Bu soyuq qarlı qış günündə evimdə qaz çox zəif gəlir. Kondisioner qoşuruq. Kimin nəyə gücü çatır onunla evini qızdırır”.  Bunu AzVision.az-a açıqlamasında Milli Məclisin deputatı Elmira Axundova deyib. Millət vəkili Bakının şaxtalı və qarlı qış günlərinə hazırlığından danışıb. Qeyd edib ki, qarlı günlərində aidiyyatı qurumlar gücləndirilmiş iş rejimində çalışmalıdırlar, qaz və işıq problemləri də yaranmamalıdır:  “Bakı meriyası nə qədər yaxşı işləsə də belə şaxtalı və qarlı hava şəraiti bizim üçün gözlənilməzdir. Moskvada hər kəs bilir ki, qışda qar yağacaq, bütün küçələr də buz bağlayacaq. Ona görə də həmin şəhərlərin bütün qurumları qışa hazırlıq işləri görürlər. Amma bizdə qışa hazılıq işləri görüb, qarın yağacanı da gözləmək düzgün deyil. Bəlkə qar yağacaq, bəlkə də yağmayacaq. Ona görə bizim həm kommunal təsərrüfatımız, həm də yollarımız və işıq sistemləri qışa o qədər hazırlıqlı olmurlar. Bizim qaz borusu və işıq sistemlərimiz cənuba uyğun tənzimlənib. Bura cənub ölkəsidir. Cənuba uyğun olaraq da hazırlıq işləri görülür. Moskva başqa xarici şəhərlərə gedəndə görürük ki, bütün nəqliyyat vasitlərində qış şinlərindən istifadə olunur. Həmin xarici ölkələrdə payızdan etibarən qış şinlərindən istifadə olunur. Xarici ölkələr qarlı havaya öyrəşiblər. Amma bizım camaat belə havalara öyrəşməyib. Bizim müvafiq qurumlarımız da qışa hazılıq işləri görməlidirlər. Ən azı işıqlar sönməli, qaz fasilələrlə verilməməlidir. Cammat onsuzda evlərdə donur. Əksər evlərdə istilik sistemləri yoxdur. Başa düşməlidirlər ki, qarlı qış günlərində gücləndirilmiş iş rejimində işləməlidirlər. Qışa hazırlıq zəif aparılıdığı üçün həmin qurumlar vəzifələrinin öhdəsindən gələ bilmirlər. Soyuq qış günlərdində Avropa ölklərində çoxlu sayda insanlar itkin düşürlər. Amma bizdə min şükür belə hallar çox azdı”.   Daha sonra millət vəkili ölkəmizdəki yolların buz bağlamasına münasibət bildirib. O, qeyd edib ki, dövlət qulluğunda çalışan işçilər icra hakimiyyəti orqaları ilə birlikdə yolları təmizləməlidirlər:  “Yollarımız sabah buz bağlayacaq. Buzları sındırmaq lazımdır. Avropa ölkələrində hər işi şəhər kommunal təsərrüfat bölmələrinin öhdəsinə buraxmırlar. Həmin xarici ölkələrdə insanlar küçələrə çıxıb iməclik edirlər və hər kəs özünün, qonşusunun evinin qarşısını, yollar təmizləyir. Bakıda həmin ənənə yoxdur. Amma rayonlarımızda bu ənənə var. Avropa ölkələrində deputatlar, nazirlər, məmurlar, dövlət qulluqçuları qarlı və leysan yağışlı havalar zamanı küçələrə çıxırlar və insanlara kömək edirlər. Bakıda isə bu yoxdur. Yaxşı olardı ki, bizim də dövlət qulluğunda işləyən işçilərimiz, məmurlarımız, nazirlərimiz icra orqanları işçiləri ilə əl-ələ verərək küçələri təmizləsinlər”.  Sonda isə millət vəkili qeyd edib ki, onların evlərində də qaz çox zəyifdir: “Bu problemlər texniki məsələ ilə əlaqədardır. İnşallah bir neçə günə düzələr”.