David de Xea “Mançester Yunayted”lə vidalaşıb

İspaniyalı qapıçı David de Xea 12 mövsüm çıxış etdiyi Premyer Liqa təmsilçisi “Mançester Yunayted”lə vidalaşıb.
Elchi.az xəbər verir ki, İspaniyalı qolkiper David de Xea sosial media hesabındakı paylaşımla müqaviləsi başa çatan İngiltərə təmsilçisi “Mançester Yunayted”lə vidalaşıb.
32 yaşlı futbolçu açıqlamasında, Mançesterlə ilk müqavilə imzaladığı zaman vəzifə başında olan keçmiş menecer Ser Aleks Ferqyusonun onu komandaya gətirməsindən böyük heyran olduğunu və bu fürsəti əldə etdiyi üçün çox şanslı olduğunu bildirib.
Artıq yeni çağırışın vaxtı olduğunu deyən qolkiper ötən mövsümdə “Mançester Yunayted”lə 58 oyuna çıxıb və qalasında 61 qolun qarşısını ala bilməyib, 25 oyunda qapısını bağlayıb. Təcrübəli əlcəklər 12 mövsüm geyindiyi qırmızılarla 1 Premyer Liqa, 1 Avropa Liqası, 1 İngiltərə Kuboku, 2 İngiltərə Liqa Kuboku, 3 İngiltərə Superkuboku qazanıb.

Nuranə Məmmədova