Danimarka xarici işlər naziri Lars Lokke Rasmussen ABŞ prezidenti Donald Trampın Qrenlandiyanı zorla ələ keçirmək planından imtina etməsini və əlaqəli ticarət müharibəsinin dayandırılmasını alqışladıqlarını bildirib və əlavə edib: “İndi oturub Danimarka Krallığının qırmızı xətlərinə hörmətlə yanaşaraq Amerikanın Arktikadakı təhlükəsizlik narahatlıqlarını necə həll edə biləcəyimizi araşdıraq”.
Elchi.az xəbər verir ki, Danimarka ABŞ prezidenti Donald Trampın Qrenlandiyanı ələ keçirmək üçün güc tətbiqindən imtina etdiyini açıqlamasına müsbət reaksiya verib. Danimarka xarici işlər naziri Lars Lokke Rasmussen sosial media hesabında paylaşdığı mesajda günün əvvəlindən daha yaxşı başa çatdığını bildirib və deyib: “ABŞ prezidenti Donald Trampın Qrenlandiyanı zorla ələ keçirmək planından imtina etməsini və əlaqəli ticarət müharibəsinin dayandırılmasını alqışlayırıq”. Danimarkanın qırmızı xətlərinə hörmətlə yanaşdıqları təqdirdə danışıqlara açıq olduqlarını vurğulayan Rasmussen bildirib: “İndi oturub Danimarka Krallığının qırmızı xətlərinə hörmətlə yanaşaraq Amerikanın Arktikadakı təhlükəsizlik narahatlıqlarını necə həll edə biləcəyimizi araşdıraq”.
Tramp Qrenlandiya üçün güc tətbiq etməyəcəyini bildirmişdi
ABŞ Prezidenti Donald Tramp İsveçrə Alp dağlarında yerləşən Davos şəhərində keçirilən Dünya İqtisadi Forumunda (WEF) etdiyi çıxışında Qrenlandiyanı əldə etmək məqsədləri ilə bağlı dedi: “Biz güc tətbiq edə bilərik, amma mən tətbiq etməyəcəyəm. İndi hamı rahat bir nəfəs alır”. Tramp Qrenlandiya ilə bağlı razılaşma üçün çərçivənin yaradıldığını elan etdi.
WEF çərçivəsində NATO-nun baş katibi Mark Rutte ilə görüşdən sonra Tramp dedi: “Çox konstruktiv bir görüşə əsaslanaraq, Qrenlandiya və ümumiyyətlə bütün Arktika bölgəsi ilə bağlı gələcək razılaşma üçün çərçivə yaratdıq. Bu razılaşmanın bir hissəsi olaraq, 1 fevralda qüvvəyə minməsi planlaşdırılan tarifləri tətbiq etməyəcəyəm”.
Şayəstə
