Yerli türkdilli sayt mühacirlərin bu ölkəyə axınından yazır
Danimarkanın paytaxtı Kopenhagendə türkdilli “haberler.dk“ saytı ölkədə baş vermiş son terror hadisələri fonunda mühacirlərin bu ölkəyə axınından yazıb.
Statistik məlumatlara əsaslanan sayt bildirir ki, 2014-cü ildə Danimarkaya 64.814 nəfər mühacir gəlib. Bu, indiyə qədərki bütün göstəricilərdən çoxdur. Məsələn, 2013-cü ildə bu ölkəyə 56.276 nəfər mühacir köç etmişdi.
Sayt bildirir ki, 2014-cü ildə ən çox mühacir Suriyadan gəlib – 5.401 nəfər. Türkiyədən isə cəmi 817 nəfər bu ölkəyə sığınıb. Buna baxmayaraq, Danimarkada mühacirlər arasında türklər öndə gedir. Bu ölkədə 70 min Türkiyə vətəndaşı yaşayır.
Təbii ki, baş verən son hadisələrdən sonra yeni gələn müsəlman mühacirlərin Danimarkada oturum alması xeyli çətinləşəcək. Əslində bu proses bütün Avropada müşahidə olunmaqdadır. Avropalılar gələcəkdə yaşaya biləcəkləri təhlükələrdən yayınmaq üçün indidən qabaqlayıcı addımlar atmaq məcburiyyətindədirlət.
O da qeyd olumalıdır ki, terrorçuların əsas məqsədlərindən biri Avropada yaşayan 10 milyonlarla müsəlmanın geriyə, öz tarixi vətənlərinə deportasiya olunmalarına nail olmaqdır. Məhz bundan sonra İslam dünyası ilə Xristian dünyası arasında ziddiyyətlər çözülməz hala gələ bilər.
Son şərhlər