Sarayevoda keçirilən cüdo üzrə Avropa kubokunun sonuncu günündə 4 idmançımız tatami üzərinə çıxıb.
81 kq çəki dərəcəsində Məhərrəm İmamverdiyev finalda Niderland cüdoçusu Koen van Vindeni məğlub edərək qızıl medal qazanıb. Bu çəkidəki digər təmsilçimiz Kərim Allahverdiyev 5-ci yerlə kifayətlənib. 100 kq çəki dərəcəsində mübarizə aparan cüdoçumuz Aslan Mirzəyev bürünc medalçı olub. Ruslan Nəsirli Avropa kubokunu 7-ci sırada tamamlayaraq mükafatçılar sırasına düşə bilməyib. Qeyd edək ki, ötən gün Ruslan Paşayev və İbrahim Əliyev qızıl, Telman Vəliyev gümüş, Kamran Süleymanov isə bürünc medal qazanmışdı. Turniri 6 medalla başa vuran Azərbaycan yığması ölkə sıralamasında yalnız Almaniya millisindən geri qalaraq ikinci olub.
“Qalatasaray” Batrakovun transferi ilə bağlı “Lokomotiv”lə anlaşıb
Türkiyənin “Qalatasaray” klubu Rusiyanın “Lokomotiv” komandasında çıxış edən yarımmüdafiəçi Aleksey Batrakovun transferi ilə bağlı razılığa gəlib. Elchi.az xəbər verir ki,...
Son şərhlər