Çin alimləri ölkənin cənubunda diametri 900 metr olan meteorit krateri aşkar ediblər və bu, Holosen dövründən məlum olan ən böyük krater olub.
Elchi.az xəbər verir ki, bu barədə “Science X” jurnalı məlumat verib.
Quandun əyalətində yerləşən Jinlin krateri təxminən 11.700 il əvvəl əmələ gəlib. O, əvvəlki rekordçu rus Maça kraterini (300 metr) əhəmiyyətli dərəcədə üstələyir. Tədqiqatçılar cismin kosmik mənşəyini kvars kristallarında xarakterik deformasiyalara əsaslanaraq təsdiqləyiblər.
“Bu kəşf Holosen dövründə kiçik kosmik cisimlərin Yerə təsirinin miqyasının əvvəllər düşünüldüyündən qat-qat böyük olduğunu göstərir”, – tədqiqat müəllifi Min Çen bildirib.
Tapıntının unikallığı rütubətli iqlimə və eroziyaya baxmayaraq, kraterin müstəsna olaraq qorunub saxlanmasındadır. Belə strukturların əmələ gəlməsi üçün 10-35 giqapaskal təzyiq tələb olunur ki, bu da yerin geoloji prosesləri zamanı mümkün deyil. Bu, Çində on ikinci təsdiqlənmiş meteorit krateridir.
Məryəm
