Çin Tayvanın müstəqilliyinə “qətiyyən dözməyəcək”.
Elchi.az xəbər verir ki, bu barədə Çin Xalq Respublikasının Sədri Si Cinpin bəyan edib.
“Biz Tayvan boğazının hər iki sahili arasındakı münasibətlərin gələcəyini qətiyyətlə çinlilərin öz əllərində saxlamaq niyyətindəyik”, — deyə Çin lideri Tayvanın müxalif Qomindan partiyasının sədri Çjen Liven ilə görüşündə vurğulayıb.
Qeyd olunur ki, bu, son 10 ildə iki partiya lideri arasında keçirilən ilk danışıqlardır. Görüş zamanı Si Cinpin qeyd edib ki, beynəlxalq vəziyyətdəki heç bir dəyişiklik milli birləşməyə doğru tarixi tendensiyanı dayandıra bilməz və separatçılara qarşı sərt müqavimət göstərməyin zəruriliyini göstərib. ÇXR rəhbərinin sözlərinə görə, adanın müstəqilliyi tərəfdarları Tayvan boğazında sülhün pozulmasının əsas günahkarlarıdır.
Məryəm
