Çin Tayvan ətrafında “Ədalət Missiyası 2025” hərbi təliminə başlayıb. ABŞ-ın 11,1 milyard dollarlıq silah satışına cavab olaraq keçirilən təlimə liman blokadası və canlı sursatdan istifadə daxildir.
Elchi.az xəbər verir ki, Çin Xalq Respublikası Tayvanı əhatə edən sularda qoşunlar, hərbi gəmilər, qırıcı təyyarələr və artilleriya bölmələrinin iştirakı ilə “Ədalət Missiyası 2025” adlı genişmiqyaslı hərbi təlimə başlayıb.
Bu gün başlayan təlimdə canlı sursatdan istifadə olunur və Tayvan ordusu qoşunlarını hücum ssenarilərinə qarşı səfərbər edib və ABŞ istehsalı olan müdafiə sistemlərini nümayiş etdirib.
Çin ordusunun Şərq Cəbhəsi Komandanlığı qüvvələrin Tayvan boğazının şimalında və cənub-qərbində cəmləşdiyini açıqlayıb.
Reuters-in məlumatına görə, Komandanlıq təlimin bir hissəsi olaraq quru və dəniz hədəflərinə canlı atəş açıldığını və simulyasiya edilmiş hücumların həyata keçirildiyini bildirib.
Sabah davam etməsi planlaşdırılan manevrlərə adanın əsas limanlarının bloklanması və Tayvanı mühasirəyə almaq ssenariləri daxil olduğu bildirilir.
Şayəstə
