Cənubi Afrikada uzun müddətdir davam edən elektrik böhranı səbəbindən gündə 12 saata qədər elektrik kəsilməsi yaşanır.
Elchi.az xarici mediaya istinadən qeyd edir ki, vətəndaşlar elektrik böhranının bitməsini istəsələr də, hökumət böhranın siyasi və iqtisadi problemlərə çevriləcəyindən ehtiyat edir.
Prezident Cyril Ramaphosa bəyanatında elektrik enerjisinin kəsilməsindən təəssüfləndiyini bildirib və hakimiyyəti bu problemi həll etmək üçün təcili tədbirlər görməyə çağırıb.
Beynəlxalq Əlaqələr və Əməkdaşlıq Naziri Naledi Pandor elektrik stansiyalarındakı ardıcıl uğursuzluqları Cənubi Afrikaya qarşı hücum kimi qiymətləndirib.
Prezidentdən təcili görüş tələbi
Mədən Ehtiyatları və Energetika naziri Qvede Mantaşe də qeyd edib ki, milli elektrik şirkəti Eskom böhranla mübarizə imkanlarını qiymətləndirməlidir.
Ana müxalifətdəki Demokratik Alyansın (DA) lideri Con Steenhuisen hökuməti böhrandan çıxış yolu tapa bilməməkdə ittiham edib.
Steenhuisen, bu məsələ ilə bağlı həll təkliflərinin niyə həyata keçirilmədiyini öyrənmək üçün prezident Ramafosa ilə təcili görüş tələb etdiyini söyləyib.
Elektrik enerjisinin qiymətində 18 faiz artım var
Digər tərəfdən, Cənubi Afrika Enerji Tənzimləyicisi (NERSA) aprel ayı etibarilə elektrik enerjisi qiymətlərində 18,6 faiz artımı təsdiqləyib.
Bu artım sürəti Eskomun təklif etdiyi 32 faiz artımdan aşağı olsa da, ictimai reaksiyalara səbəb olub.
Yeganə