“Yağ, sənayenin təhrif etdiyi qidaların ən başlıcalarından biridir. Yağlar, növ və qurluş olaraq bitki mənşəli və heyvan mənşəli olanlar, qatı və maye olanlar, doymuş və doymamış yağlar, rafinə edilmiş və rafinə edilməmiş yağlar kimi qruplara ayrılırlar. Dini baxımdan halal olanlar və halal olmayanlar, sağlam və sağlam olmayanlar şəklində bir ayırım da edilir.
Yağlar, zülal və karbohidratların iki qatı daha çox enerji verirlər”. Bu fikirləri Elchi.az-a açıqlamasında qida texnologu Asim Vəliyev deyib.
Onun sözlərinə görə bu səbəbdən qidalarla qəbul edilən yağ miqdarı önəm daşıyır:
“Bu miqdarın gündəlik 65-80 qr olması tövsiyə edilir. Demək olar ki, inkişaf etmiş ölkələrdə bu miqdar iki qatına çıxmışdır. Bunda da ən önəmli faktor çox miqdarda yağ ehtiva edən qida maddələridir. Bunların başında gələnləri miqdarlarıyla saymaq lazımdırsa, mayonez 80%, fındıq-qoz 62%, donuz əti 37%, yumurta sarısı 32%, pendir 30-45%, şokolad 30%, dondurma 12%-dir. Açıq və ya gizli yağ, hər ikisi də çox çəkimizin ən başda gələn səbəbidir. Köklük, artıq dövrümüzdə insanların qorxulan bir xəstəliyi olmuşdur”.
A. Vəliyev həmçinin çox çəki məhsuldar çalışmamıza mane olduğu kimi, çox yağlı qidalanma ürək, qaraciyər, bağırsaq və damar başda olmaq üzərə bütün daxili orqanlarımıza mənfi təsir etdiyini qeyd edib.
Havar Şəfiyeva
Son şərhlər