“Müasir pop musiqisi tarixinə nəzər salsaq görərik ki, orda bu tipli müxtəlif formatlardan istifadə edən şəxslər məhz müsabiqədə yer tutublar. Azərbaycan bu yarışmada iştirak edib, hər dəfə də bir yeniliklə iştirak edir. Azərbaycan yeganə ölkədir ki, bu musiqi festivalı üçün ayrıca bir saray da tikib. Bu da dünyada səs küy sala bilib”.
Elchi.az xəbər verir ki, bunu Faktmedia.az-a açıqlamasında yeni Yazarlar və Sənətçilər İctimai Birliyinin sədri, kitabxana.net – Mir Cəlal Paşayev adına Milli Virtual Kitabxananın təsisçisi, yazıçı-kulturoloq Aydın Xan Əbilov deyib.
Onun sözlərinə görə, bu ilki evrovzion təmsilçilərin geyimi və davranışı bir səhnə imicidir:
“Qeyri adi, qalmaqallı olmayan musiqiçilər qlobal yarışmalarda çətinliklə yer tutur. Dünya festivalları, müsabiqələri elə bir adamların əlindədir ki, onlar qeyri adiliyi, rəngarəngliyi, musiqi ilə yanaşı səhnə yenilikləri də sevirlər. Bu nə milli musiqi yarışması, nə də bir toy deyil. Bu qlobal bir musiqi yarışmasıdır. Azərbaycan tolerantlığın mərkəzi kimi tanınır. Burada nə dil, nə din ayrı seçkiliyi yoxdur. Bizim musiqiçilərin belə rəngarəng geyimi bizim üçün qeyri adi olsa da dünya üçün bir yenilik deyil. Biz keçən dəfə erməni təmsilçiləri tənqid edirdik ki, onlar milli çalarlardan istifadə edib yer tutmağa çalışırlar. Amma özümüzkülər in kreativ bir yanaşmasını o dəqiqə tənqid edirik”.
Qeyd edək ki, Eurovisionda Azərbaycanı təmsil edən Tural-Turan qardaşları geyimlərinə görə, sosial mediada tənqid edilir.
Havar Şəfiyeva
Son şərhlər