Braziliya prezidentinin beynəlxalq məsələlər üzrə xüsusi köməkçisi Celso Amorim Britaniyanın “Financial Times” qəzetinə müsahibəsində bildirib ki, ABŞ prezidenti Donald Trampın rüsumların tətbiqi ilə bağlı hədələrinə baxmayaraq, Braziliya BRICS tərəfdaşları ilə əlaqələri gücləndirmək qərarına gəlib.
Elchi.az xəbər verir ki, Amorimin sözlərinə görə, ABŞ-ın Braziliyaya gömrük rüsumları tətbiq etməklə hədələməsi ölkəni BRİKS ilə əlaqələri gücləndirməyə sövq edir.
O, Braziliyanın beynəlxalq əlaqələri genişləndirmək və heç bir ölkədən asılı olmamaq istədiyini vurğulayıb.
Prezidentin köməkçisi əlavə edib ki, Braziliya təkcə Rusiya, Çin, Hindistan kimi BRICS üzvləri ilə deyil, həm də Avropa, Asiya və Cənubi Amerikanın digər ölkələri ilə xarici əlaqələri gücləndirməkdə maraqlıdır.
Bundan əvvəl Tramp avqustun 1-dən Braziliyadan gələn bütün mallara 50 faizlik gömrük rüsumunun tətbiq edilməsini əmr etmişdi. Buna cavab olaraq Braziliya lideri Lula da Silva İqtisadi Qarşılıqlılıq Aktını həyata keçirən sərəncam imzalamışdı.
Yeganə
