Hər il Bolqarıstanda qəribə festival keçirilir.
ANS PRESS-in məlumatına görə, Bolqarıstanın yerli qaraçıları öz qızlarına ər tapmaq üçün onları Moqila kəndinə gətirirlər. Buraya gələn qızlar ən gözəl paltarlarını geyinir, bəzənirlər. Onlar köhnə maşınların üstünə çıxaraq özlərini göstərir, rəqs edirlər. Namizədlər burada ər tapmaqda bir-biriləri ilə yarışırlar.
Qızlarını gətirən analar “qızlarımızın diskotekalara getməsinə icazə vermirik. Buna görə evlənə biləcəkləri kişiləri tapmaq üçün hər il buraya gətiririk” deyirlər. Qızların valideynləri burada onları alan, hətta mümkün olsa buna görə onlara müəyyən qədər pul ödəməyə razı olan kişiləri tapmağa ümid edirlər. Bəzən burada qızlar üçün bir neçə min avro pul verənlər da tapılır.
